Darling West: Lights – Juleturné 2025 // Ål kulturhus

Heilt sidan Darling West gjorde julekonserten «Kvelden før kvelden» på NRK i 2022, og med det strøymde inn i hundrevis av folk sine heimar og stover, har konserten vorte omtala som like mykje fantastisk som legendarisk. Med seg på scena hadde dei gjester som Dagny, Odd Nordstoga, Sivert Høyem og Jarle Bernhoft, og konserten har vorte sett om att av både tidlegare og nye sjåarar kvart einaste år.


Darling West er kjende for å begeistre, og ikkje minst er dei kjende for dei fantastiske folk- og poplåtane sine, som stadig blir omfamna av fans, konsertgjengarar og media. Med julekonserten synte dei også at dei har evna til å bringe fram noko særeige, engasjerande og vakkert med sine eigne tolkingar av dei tradisjonelle julesongane. I 2023 ga dei ut sitt fyrste julealbum «Lights», som mottok strålande mottaking frå publikum og anmeldarar.


No legg dei ut på sin aller fyrste juleturné, der du kan oppleve desse låtane formidla med varme, sjarm og nærleik. Om du ynskjer å finne ro inn mot høgtida, vil du ikkje gå glipp av denne kvelden. Ein julekonsert med Darling West vil gje deg både julestemning, harmonisang og instrumentale godbitar på øvste hylle.


Velkomen på konsert!

You may also like the following events from Ål kulturhus:

• Next month, 7th September, 03:00 pm, Rotneims-Knut // Ål kulturhus in Hønefoss
• Next month, 23rd September, 05:00 pm, Riksteatret: Hundrevis av barn i vill kamp // Ål kulturhus in Hønefoss
• Next month, 27th September, 05:00 pm, Team Bachstad // Ål kulturhus in Hønefoss

Also check out other Concerts in Hønefoss.