Kurs i improvisasjon – å finne historia her og no

Under Forteljekunstakademiet kan du bli med på improvisasjonskurs saman med Veslemøy Mørkrid. Kurset handlar om å finne historia her og no. Deltakarane vil lære teknikkar som handlar om å vere komfortabel med å feile, ta konkrete val, seie ja og byggje vidare på vala ein har tatt. Kursdeltakarane vil også få arbeide med enkle dramaturgiske strukturar for å skape ei heilskapleg forteljing i augneblinken.

Veslemøy Evenstad Mørkrid (fødd 1982) er ein norsk skodespelar og improvisatør med lang erfaring frå scene, lerret og TV. Ho er utdanna ved Nordisk Institutt for Scene og Studio og International Theatre New York, og vart noregsmeister i Teatersport i 2008. Veslemøy er medlem av Teater Liksom og ensemblet på Det Andre Teatret.

Ho har drive med improvisasjon sidan tidleg på 2000-talet og har både nasjonal og internasjonal erfaring. Veslemøy er kjent for sitt kreative driv, har initiert ei rekke unike framsyningar og format, og jobbar òg med regi. Ho kombinerer kunstnarleg talent med ei leiken tilnærming og er ein sentral figur i improvisasjonsmiljøet.

Kurset har avgrensa plassar. Meld deg ved å kjøpe billett til heile akademiet eller kurset åleine via Ticketco.

Foto i hendinga: Anne Valeur

Har du spørsmål? Ta kontakt på cmFrZWwgfCBqYWtvYnNhbmRlICEgbm8=

You may also like the following events from Jakob Sande-senter for forteljekunst:

• Next Wednesday, 18th June, 10:00 am, Forteljekunstakademiet // Kurs i verselesing med Idun og Rolf Losnegård in Førde
• Next Wednesday, 18th June, 10:00 am, Forteljekunstakademiet 2025 in Førde
• Next Wednesday, 18th June, 03:00 pm, Brautometeret. Danning då og no // Ein samtale mellom Arne Osland og Ørjan Zazzera Johansen in Førde

Also check out other Arts events in Førde, Theatre events in Førde.