Píanóleikarinn Benjamín Gísli leggur af stað í tónleikaferðalag um Ísland dagana 19. til 29. júní. Þar mun hann leika eigin tónsmíðar í bland við íslenskar dægurlagaperlur í eigin útsetningum. Þann 26. júní heldur hann tónleika í Hafnarkirkju.
Miðaverð - 3500 kr
Tónleikarnir hefjast klukkan 17:00.
Frítt er fyrir börn 12 ára og yngri í fylgd með fullorðnum.
Um Benjamín Gísla,
Benjamín er einn af fremstu jazz píanóleikurum landsins og hefur vakið athygli fyrir sinn lagræna stíl, tilfinningaríka spilamennsku og fágaðan tón. Þótt hann sé jazzmenntaður nær tónlist hans langt út fyrir þá skilgreiningu—hún sameinar áhrif frá klassískri tónlist, kvikmyndatónlist og spunakenndum köflum í anda Keith Jarrett. Fyrir hann er píanóið ekki bara hljóðfæri, heldur leið til að kanna nýjar hugmyndir, miðla tilfinningum og skapa tengingu við áheyrendur. Tónlistin hans er síbreytileg, liggur einhverstaðar á milli forms og frelsis, hefða og nýsköpunar.
Í vor lýkur hann mastersprófi frá hinum virta Tónlistarháskóla í Þrándheimi, NTNU. Meðfram náminu hefur hann verið virkur í bæði norsku- og íslensku tónlistarsenunni, meðal annars með Benjamín Gísli Trio, Bliss Quintet, Bento Box Trio og Tuva Halse Quintet. Árið 2023 sendi hann frá sér sína fyrstu plötu með tríóinu sínu, Line Of Thought, sem fékk frábærar viðtökur á erlendri grundu. Síðustu ár hefur tónlistin tekið hann víða um Evrópu, þar sem hann kemur reglulega fram á stórum djasshátíðum og klúbbum.
Benjamín var valinn nú á dögunum til þess að spila fyrir konungsfjölskylduna í Noregi í tengslum við opinbera heimsókn Höllu Tómasdóttur forseta. Hann hefur einnig hlotið úthultun úr Menningarsjóði Árna Scheving, sem veitt eru efnilegu íslensku jazz tónlistarfólki til framhaldsnáms erlendis. Benjamín er einn af stofnendum Fjordgata Records, plötuútgáfu í Þrándheimi sem gefur út upprennandi jazz tónlistarfólk í Noregi.
www.benjamingisli.com
https://open.spotify.com/artist/6G6SkXGRHcuzHhIeQDgMfS...
You may also like the following events from Benjamín Gísli:
Also check out other
Music events in Egilsstadir,
Entertainment events in Egilsstadir,
Arts events in Egilsstadir.
