Paternoster, Mel die Storieverteller kom kuier met haar skreeusnaakse stories by julle tydens die Blomme & Bubbles Fees!
In die regte lewe is Mel die Storieverteller 'n komediant en katliefhebber, maar in 'n ander dimensie - die een binne ons fone - is sy 'n Afrikaanse internetsensasie.
In haar derde stand up comedy show, Internet Sensasie, verklap Mel UITEINDELIK wat sy rérig dink van hierdie elektroniese oerwoud vol honger leeus, ywerige flaminke en ontaktvolle (sw)ape.
Mel vertel van die tannie langsaan se ongesonde obsessie met TikTok en likes, die een influencer wat haar thrifted broek bo hou met 'n skoenveter en Oom Gert se groot fout op die gemeenskap se Facebook blad. Soos gewoonlik het Mel se stories 'n klomp draaie - jy dink jy is op pad na die einde dan swaai sy skerp links en gooi jou met 'n onverwagse staaltjie oor haar man se nuwe slaaptyd bykomstigheid.
Gehoorlede kan interessante stories (snaaks), danspassies (nie so snaaks) en 'n lied of twee (ag, sy probeer) verwag. Daar is plek vir baie lag en spasie om te dink aan jou eie foon maniere.
"Mel laat jou tuis voel. Jy WIL luister wat sy sê. En dan lag jy boonop baie."
- Margit Meyer-Rödenbeck
"Vars, oorspronklik en vrek snaaks."
-Pretoria FM
Vertoning duur: 80 minute (Geen pouse)
Styl: Komiese Storievertelstyl
Ouderdomsbeperking: Geen onder 14’s
Teks: Mel die Storieverteller
Musiek: Peach van Pletzen
Dekor: Imile Wepener
Daar is gehoorinteraksie, net die 'braaf' sit in die voorste twee rye.
Venue: Die Koelkamers, Paternoster
Adres: 1 Kreefte St, Kliprug, Paternoster, 7381
Kaartjies vanaf: R184pp
Deure open: 18h00
Vertoning begin: 19h00
Kaartjies beskikbaar by:
https://www.diekoelkamers.com/events/mel-die-storie-verteller-internet-sensasie-die-koelkamers-paternoster
You may also like the following events from MDS Management:
- Next month, 9th May, 08:00 pm, Mel die Storieverteller - AASVOËL KLUB, BLOEMFONTEIN - Internet Sensasie in Bloemfontein
- Next month, 10th May, 06:30 pm, Mel die Storieverteller - JOHAN SLABBERT SKOOL, KROONSTAD - Internet Sensasie in Welkom
- This July, 11th July, 07:00 pm, Mel die Storieverteller - GROENSKOOL LAPA, PHALABORWA - Internet Sensasie in Phalaborwa
Also check out other
Comedy events in Darling,
Entertainment events in Darling.
