Kom við til eitt kveikjandi, stuttligt og upplýsandi kvøld í Føroyahúsinum á Vesterbrogade í Keypmannahavn hóskvøldið 15. mai. Vit byrja kl. 19.00, og tá vit eru liðug kl. 21.00, ber til at síggja Eurovision semifinaluna á stórskíggja og at heppa og fjeppa uppá Sissal saman! Tiltakið er ókeypis.
Á skránni vera 5-minuttir-framløgur um viðkomandi viðurskifti, tá ið tú skalt flyta til Føroya. Serligur gestarøðari verður Barbara Holm, ábyrgdarstjóri á Frihedsbrevet.fo, sum fer at tosa um sínar royndir við at flyta heim til Føroya eftir loknan lestur og at koma við eygleiðingum av føroyska arbeiðsmarknaðinum.
Vit bjóða sliders og okkurt gott úr barrini, og eftir steðgin verður pubquiz við góðum vinningum s.s. Sveiggj-ferðaseðlum, Voxbotn-atgongumerkjum o.ø.
Øll, sum luttaka til tiltakið, eru við í lutakastinum um ein stóran flytipakka til eitt húski frá Danmark til Føroya frá Smyril Line. Møguleiki verður eisini at vinna einar Airpods Pro 👌
So ert tú útiseti í Keypmannahavn og umhugsar at flyta heim eina ferð í framtíðini? Ella leitar tú bara eftir einum stuttligum kvøldi í góðum selskapi? So kom ein túr inn á gólvið í Føroyahúsinum til eitt festligt kvøld – vit gleða okkum at síggja tykkum! 😊
5-minuttir-framløgur við umboðum frá: Taks, ALS, Íverksetarahúsinum, Føroya Banka og Skyn.
