„Стремеж“ на астал - промоција на новиот број

Време е плодовите од гранките на дрвото на мудроста, кои се стремат кон единство со сончевата облагородувачка светлина и посегаат по небото како единствена граница на духот и креативноста, од срце да бидат приложени пред пошироката јавност и читателска публика.
Литературно-издавачката дејност при НУ Центар за култура „Марко Цепенков“ - Прилеп организира промотивна дружба со сите почитувачи на литературата и културата, посветена на најновиот број, прв во 2025 година, на списанието за литература уметност и култура „Стремеж“.
Промотивната дружба има за цел делумно да ги приближи дел од содржините кои се објавени во најновиот број на списанието до читателите и почитувачите на истото, едновремено и да ги заинтригира да се нурнат во остатокто од содржинската литературна и културна понуда на страниците од „Стремеж“.