Styrkleikar á Húsavík

Styrkleikar Krabbameinsfélagsins sýna samstöðu og samkennd þar sem allir geta látið gott af sér leiða fyrir einstaklinga sem greinst hafa með krabbamein og aðstandendur þeirra.

Viðburðurinn er fjölskylduvænn og býður upp á einstaka upplifun fyrir öll, óháð aldri. Þátttakendur skiptast á að ganga með boðhlaupskefli í sólahring, sem er táknrænt fyrir að engin hvíld fæst frá krabbameini.

Styrkleikarnir byggja á liðum sem fjölskyldur, vinahópar, fyrirtæki, íþróttafélög, félagasamtök eða aðrir skrá sig í. Þeir snúast síðan um að hafa fulltrúa hvers liðs á hreyfingu (ganga, hlaupa) með boðhlaupskefli, sólarhringinn sem viðburðurinn stendur yfir og er um leið táknrænn fyrir að engin hvíld fæst frá krabbameini.

Einstaklingar sem ekki tilheyra öðru skráðu liði geta skráð sig til liðs við "Landsliðið" sem er opið lið fyrir öll sem vilja leggja verkefninu lið.

Skráning fer fram á vef Krabbameinsfélagsins: https://safna.krabb.is/project/styrkleikarnir-a-husavik?locale=is