Sommarlesfest med Adele Lærum Duus!

Tysdag 9. september kl 18.00 inviterer Bømlo folkebibliotek til Sommarlesfest i storsalen i Bømlo kulturhus for alle som har vore med på Sommarles! Me får besøk av forfattar og skodespelar Adele Lærum Duus med framsyninga «Oldefars ulveskinnspels». Denne kvelden vil me også trekke vinnaren av Sommarlesbingo for vaksne og det vert trekt 10 heldige vinnarar av kinobillettar gitt av Bømlo kulturhus. Arrangementet er gratis, men ein må ta ut billett på kulturhuset eller på bomlokulturhus.no. Om barnet treng fylgje, så må den vaksne også ta ut billett. Tenk på at det er mange som vil delta, så ta kun ut billett om du skal nytta den.

Om framsyninga: I Oldefars ulveskinnspels får du bli med Adele inn på hennar eigen oldefar sitt gamle legekontor. Kjenn lukta av mystiske medisinar og prøv gamle legeinstrument! Om du er heldig kan du også få litt lindrande behandling, eller kanskje ein aldri så liten amputasjon eller to? Framsyninga baserer seg på Adele si bildebok ved same namn, der Elisabeth Moseng har laga illustrasjonane.

Av og med: Adele Lærum Duus

Regi: Annicke Gill

Musikk: Hallvard Lærum

Velkommen til årets Sommarlesfest!

You may also like the following events from Bømlo folkebibliotek:

• Next month, 26th September, 08:00 pm, Forfattarbesøk: Agnes Lovise Matre in Ølen