Forfattarbesøk: Agnes Lovise Matre

Agnes Lovise Matre kjem til Bømlo! Fredag 26. september er Bømlo folkebibliotek glade for å invitere til bokbad med forfattar Agnes Lovise Martre i Kulturhuskafeén i Bømlo kulturhus. Ho står bak den populære serien om lensmannen Bengt Alvsaker ved politistasjonen i Nordheimsund. Hennar femte bok i serien, «Evig fred», som kom ut i år, er no på bestselgerlista for 2025. I 2020 vann ho prisen «Sølvkniven» for kriminalromanen «Iskald».

Bokbadet startar kl. 20.00. Kulturhuskafeén opnar servering kl.18.30. Etter bokbadet kan du få kjøpt bøker av forfattaren sjølv.

Agnes Lovise Matre er født på Osterøy, vakse opp i Hardanger og bur i Haugesund. Ho har bakgrunn som lærar og frilansjournalist. I 2012 debuterte ho som forfattar og har til no gitt ut åtte bøker. Ho jobbar no som forfattar på heiltid.

Billettar kjøpast på: bomlokulturhus.no

Me ynskjer hjarteleg velkommen til eit nytt og spannande forfattarbesøk hos oss.

You may also like the following events from Bømlo folkebibliotek:

• Next month, 9th September, 06:00 pm, Sommarlesfest med Adele Lærum Duus! in Ølen