Det viktigaste i livet for Knut Marius er musikken og familien. To år etter at Knut Marius debuterte med albumet «6393» er artisten fra Tomrefjord nok ein gong klar med ny musikk.
Mai 2024 kom singelen EMBER, som handlar om dottera VILJA, og betyr glødande kull.
EMBER handlar om det å ta tak i sitt eige liv, tørre å gå laus på utfordringar, og heile tida søke mot det neste steget.
Ei slik reise byr alltid på djupe refleksjonar, men det er ei reise ein må gjennom for å utvikle seg, og å oppnå nye milepælar i livet. Og utfordringar tek Knut Marius på strak arm, med «hat trick» i reality. The Voice 2013, Stjernekamp i 2020 og Kompani Lauritzen i år.
2024 har blitt brukt til å skrive ny musikk, og i løpet av året vil han sleppe fleire nye låtar. Teksten som kom ned på papiret i denne omgang, kom først ut på engelsk. Men i løpet av skriveprosessen vart det klart at det Norske språket betre fekk fram dei små historiene og djupna dei fortener.
Knut Marius har levd av musikken i over 12 år, og hans nærvær på scena, og unike formidlingsevne rører publikum gong etter gong. Velkommen til ein akustisk kveld med lun humor, og god musikk.
