Օգոստոսի 24-ին մեկնարկում է #սարուձոր նախագծի արշավը դեպի ՇԽՄՈՒՐԱԴԻ և ՆՈՐ ՎԱՐԱԳԱ վանքեր, որոնք գտնվում են Տավուշի մարզում։
Արշավի սկզբում գեղատեսիլ արահետով կքայլենք դեպի անտառի խորքում թաքնված միջնադարյան #ՇԽՄՈՒՐԱԴԻ ՎԱՆՔ (XII-XIII դդ․), որն առանձնանում է իր յուրահատուկ գավթով։ Ըստ պահպանված վիմագիր արձանագրության այն կառուցվել է ՍԱԴՈՒՆ Ա ԱՐԾՐՈՒՆԻ-ՄԱՀԿԱՆԱԲԵՐԴՑԻ իշխանի հրամանով։ Վանքի բակում կհանգստանանք և կվայելենք հայկական գինին։
Հաջորդիվ կայցելենք Բագատունյաց հարստության վերջին շառավիղ հանդիսացող Նոր Բերդի Կյուրիկյան իշխանների կողմից XII-XIII դարերում կառուցված ՆՈՐ ՎԱՐԱԳԱՎԱՆՔ, որն իր անունը ստացել է ի շնորհիվ Վասպուրականի Վարագավանքից XIII դարում տեղափոխված խաչափայտի մասունքի:
Քայլարշավի ընդհանուր երկարությունը մոտ 10 կմ է:
————————
Բոլոր մասնակիցները պետք է կրեն հարմարավետ արշավային կոշիկներ, սպորտային ոճի հագուստ և գլխարկ, ինչպես նաև իրենց հետ ունենան սնունդ և 1,5 լ ջուր։
ՄԱՍՆԱԿՑՈՒԹՅԱՆ ՀԱՄԱՐ ԱՆՀՐԱԺԵՇՏ Է ՆԱԽԱՊԵՍ ԳՐԱՆՑՎԵԼ
Հեռախոս 091014301 (Սահակ), 094325075, 095325075 (Արմեն)
Մասնակցությունը թույլատրվում է չեղարկել մինչև 22․08․2025թ., որից հետո չեղարկելու դեպքում անձը պարտավորվում է վճարել արշավի արժեքն ամբողջությամբ:
Մասնակցության վճարը 9.000 ՀՀ դրամ (ներառում է տրանսպորտ, գիդ-ուղեկցող, գինու հյուրասիրություն):
Մեկնարկը՝ ժամը 08:30-ին, 24․08․2025թ.
Հանդիպման վայրը՝ Գիտությունների ազգային ակադեմիայի շենքի դիմաց (Բաղրամյան 24)
You may also like the following events from Գիտարշավ / Gitarshav:
|
