Թեթև արշավ դեպի ՀԱՌԻՃԱՎԱՆՔ, ԱՐԹԻԿԻ և ՊԵՄԶԱՇԵՆԻ եկեղեցիներ

Նոյեմբերի 2-ին մեկնարկում է ԳԻՏԱՐՇԱՎ ակումբի արշավը դեպի ՀԱՌԻՃԱՎԱՆՔ, ԱՐԹԻԿԻ և ՊԵՄԶԱՇԵՆԻ եկեղեցիներ, որոնք գտնվում են Արթիկի տարածաշրջանում:
Արշավի սկզբում կայցելենք միջնադարյան հռչակավոր ՀԱՌԻՃԱՎԱՆՔԻ վանական համալիր: Վանքի հնագույն եկեղեցին կառուցվել է VII դարում, իսկ գլխավոր եկեղեցին հիմնադրել են Զաքարե և Իվանե Զաքարյան եղբայրները՝ 1201թ.-ին: Եկեղեցու պատին պահպանվել է Զաքարյան իշխանների կտիտորական բարձրաքանդակը: XIX դարում վանքում գործել է դպրոց, որտեղ սովորել է Ավետիք Իսահակյանը, իսկ այժմ հանդիսանում է հոգևոր ընծայարան:
Այնուհետև կանգառ կունենանք ԱՐԹԻԿՈՒՄ, որտեղ կայցելենք.
• ՍԲ. ՄԱՐԻՆԵ եկեղեցի՝ V դար,
• ՍԲ. ԳԵՎՈՐԳ մաստարայատիպ եկեղեցի՝ VII դար,
• ԼՄԲԱՏԱՎԱՆՔ՝ VII դար, որը աչքի է ընկնում իր որմնանկարներով:
Արշավի հաջորդ կանգառը ՊԵՄԶԱՇԵՆՈՒՄ է, որտեղ կայցելենք.
• ՊԵՄԶԱՇԵՆԻ եկեղեցական համալիր՝ VII դար,
• ԱՌԱՔԵԼՈՑ ՎԱՆՔ՝ XI դար,
• ՄԱՐԿԱՐԱՎԱՆՔ՝ XI դար,
Արշավը կեզրափակենք ԼԵՌՆԱԿԵՐՏԻ ՍԲ. ՀՈՎՀԱՆՆԵՍ բազիլիկ եկեղեցու՝ IV դար, այցելությամբ:
Գիտարշավը հնարավորություն կընձեռի բացահայտել վերոնշյալ հուշարձանների ճարտարապետական առանձնահատկությունները և պատմության գաղտնիքները:
Բոլոր մասնակիցները պետք է կրեն հարմարավետ արշավային կոշիկներ, սպորտային ոճի հագուստ և գլխարկ,, ինչպես նաև իրենց հետ ունենան սնունդ և 1 լ ջուր:
ՄԱՍՆԱԿՑՈՒԹՅԱՆ ՀԱՄԱՐ ԱՆՀՐԱԺԵՇՏ Է ՆԱԽԱՊԵՍ ԳՐԱՆՑՎԵԼ
Հեռախոս 091 014301 (Սահակ), 094/095 325075 (Արմեն)
Մասնակցությունը թույլատրվում է չեղարկել մինչև 31.10․2025թ., որից հետո չեղարկելու դեպքում անձը պարտավորվում է վճարել արշավի արժեքն ամբողջությամբ:
Մասնակցության վճարը 8.000 ՀՀ դրամ, (տրանսպորտ, գիդ-ուղեկցող, գինու հյուրասիրություն):
Մեկնարկը՝ ժամը 09:00-ին,
02․11․2025թ., կիրակի օր
Հանդիպման վայրը՝ Գիտությունների ազգային ակադեմիայի շենքի դիմաց (Բաղրամյան 24):

You may also like the following events from Գիտարշավ / Gitarshav:

• This month, 25th October, 08:00 am, Բացառիկ տուր ԿԱՐՍԻՑ ԱՆԿԱՐԱ՝ Մեծ և Փոքր Հայքեր, Կապադովկիա և Գալաթիա (7 օր) in Yerevan
• This Saturday, 1st November, 08:00 am, Բացառիկ արշավ ՍՅՈՒՆԻՔԻ 7 ԲԵՐԴԵՐՈՎ (Սիսիան և Կապան) in Yerevan
• Next Friday, 7th November, 05:00 pm, Բացառիկ արշավ ՄԵՂՐԻ և շրջակա 10 գյուղեր (2.5 օր) in Yerevan