«Փոխադարձ կապեր՝ հայր և դուստր Ֆարիդանիներ» ցուցահանդես

Սեպտեմբերի 23-ին ժամը 14։00-ին Թեքեյան Կենտրոնի ցուցասրահում տեղի կունենա «Փոխադարձ կապեր՝ հայր և դուստր Ֆարիդանիներ» ցուցահանդեսի բացումը։ Ցուցահանդեսը կտևի հինգ օր և կավարտվի սեպտեմբերի 28-ին։
Նիկոլ Ֆարիդանին (1936-2008), հայկական ծագումով, Իրանի արդի լուսանկարչության ականավոր դեմքերից է, ում անունը սկսել է շրջանառվել 20-րդ դարի երկրորդ կեսից։ Նա որպես լուսանկարիչ, միաժամանակ ստեղծագործել է լուսանկարչության մի քանի ոլորտներում։
Հիսուն տարի շրջելով Իրանի նահանգներով ՝ լուսանկարիչը ստեղծել է ավելի քան 60․000 ժապավեն, որոնցից 8000-9000 վերաբերում է իրանահայությանը՝ բնակավայրերին, որոնց մեծ մասն այլևս պատմություն է դարձել։
Կատրին Ֆարիդանին՝ Նիկոլ Ֆարիդանիի դուստրը, ապրում և ստեղծագործում է Կանադայում։ Մասնագիտական երկու կրթություն ունի։ Իր ստեղծագործություններում նա անրադառնում է սոցիալ-հասարակական խնդիրներին ։Մասնագիտանալով վավերագրական լուսանկարչության մեջ, ներկայանում է «Փոխկապակցված» նախագծով։