Հուլիսի 11-ին, ժամը 14։00-ին Հայաստանի ազգային գրադարանի մեծ դահլիճում կհյուրընկալվեն Կալիֆորնիայի համալսարանի Իրվայնի մասնաճյուղի Հայագիտության ամբիոնի պատմության պրոֆեսոր, Հայագիտական կենտրոնի տնօրեն Հուրի Պէրպէրեանը և նույն համալսարանի Դեյվիսի մասնաճյուղի Արվեստի պատմության պրոֆեսոր Թալին Գրիգորը (Տեր-Գրիգորյան)։
Վերջերս Ստենֆորդի համալսարանի հրատարակչությամբ լույս է տեսել Հուրի Պէրպէրեանի և Թալին Գրիգորի «Հայ կինը, փոքրամասնական յանձնառումն ու ազդակը եւ իրանական արդիութեան կերտումը. 1860-1979» / «The Armenian Woman, Minoritarian Agency, and the Making of Iranian Modernity, 1860-1979» արժեքավոր աշխատությունը։
2022 թվականին գրքի հեղինակները հետազոտական աշխատանքներով պայմանավորված Հայաստանի ազգային գրադարանում էին։ Աշխատանքի թեման էր Իրանահայ կանանց կազմակերպությունների պատմությունը 1850-1979 թվականներին։ Հուրի Պէրպէրեանը և Թալին Գրեգորը արդեն երեք տարի է աշխատում էին այս թեմայի ուսումնասիրմամբ, և աղբյուրները նրանց բերել էին Հայաստան՝ Հայաստանի ազգային գրադարան։
Եվ ահա, երկարատև ու հետևողական աշխատանքի արդյունքը՝ «The Armenian Woman, Minoritarian Agency, and the Making of Iranian Modernity, 1860-1979» գիրքը արդեն հրատարակվել է, և, ինչպես խոստացել էին հեղինակները, Ազգային գրադարանը կստանա իրեն հասանելիք օրինակները։
Այս գրքով Հուրի Պէրպէրեանը և Թալին Գրիգորը ներկայացնում են առաջին պատմական ուսումնասիրությունը՝ նվիրված արդի Իրանի հայ կանանց։ Ընդգծելով հայ կանանց կազմակերպությունների գործունեությունը՝ այս պատմությունը քննարկում է Իրանի իշխանության կենտրոնների (թագաւորություն և պետություն), իրանահայկական հայրիշխանական հաստատությունների (եկեղեցի և քաղաքական կուսակցություններ), և դրանց հետ առնչվող հայ կանանց հարաբերությունները։
Հայաստանի ազգային գրադարան
Մեծ դահլիճ
Մուտքը՝ ազատ
