5 год з адліку новага часу, нашых надзей на змены і нашага болю ад нерэалізавання нашых мараў.
Разгубленасць, невядомасць і часам расчараванне, усё больш пачынаюць панаваць сярод нас.
Але мы ёсць адзін у аднаго, мы тыя- хто зразумее адзін аднаго нават у маўчанні, падтрымае і падбадзёрыць.
Запрашаем правесці гэты час разам, адчуць тое што я/ты не адзін/адна
Мы збіраемся ў Colonel Francis J. Beatty Park, наш shelter #1 (каля дзіцячай пляцоўкі), пагутарым, ўспомнім тых, каго больш з намі няма, напішам лісты вязням, якія сядзяць у нечалавечых умовах на свабоду і незалежнасць нашай скрадзенай Радзімы, абмяркуем далейшыя ідэі і пляны.
Нас, беларусаў не так шмат і мы зараз раскіданыя па ўсім свеце, і акрамя нас мы не патрэбныя нікому, прыходзьце за цеплынёй і адчуваннем свайго-роднага, якога часам, так не хапае ў эміграцыі
Таксама ўвечары, а 7:30 PM у Elizabeth Park, ад «Беларускіх сцежак Каралін» адбудзецца маўклівая інсталяцыя-перформанс «Пяцёра».
Пяць жанчын — пяць гадоў рэпрэсій. Пяць незагойных ран.
Побач будзе месца, дзе кожны зможа запаліць свечку ў памяць пра загінулых у змаганні з рэжымам Лукашэнкі.
Прыйдзі. Пастой побач. Ушануй. Не забывай.
|
