Klassisk julekonsert

Perler frå det klassiske julerepertoaret. Songar Oda Marita Netteland Norevik og pianist Maaria Pukkala ønskjer velkomen til Kabuso med ein stemningsfull jolekonsert med perler frå det klassiske jolerepertoaret. Kjende og kjære klassiske tonar og varme klangar inviterer til ro og stillheit i førjulstida.

Oda Marita Netteland Norevik er ein klassisk songar frå Voss med bachelor i musikkpedagogikk og klassisk song frå Norges musikkhøgskole, og mastergrad i utøvande klassisk song frå Universitetet i Agder. Ho har fordjupa seg i romansar og lieder frå romantikken til etterkrigstida, og tek no vidareutdanning hjå Nadine Secunde i Tyskland. Oda arbeider som frilanssongar og dirigent, både som solist og ensemblesongar i Kilden Vokalensemble, og som dirigent for mannskoret Kristiansand Haandverker Sangforening og blandakoret SyngHEFtig. Ho har òg undervist i song, mellom anna ved musikklina på Voss Gymnas og ved Kristiansand kulturskole.

Maaria Pukkala er utdanna pianist med mastergrad i utøvande klassisk klaver frå Universitetet i Agder, der ho studerte med Sveinung Bjelland – ein av Noregs fremste klassiske pianistar.
Ho har brei røynsle som pianolærar og akkompagnatør ved musikk- og kulturskular i både Noreg og Finland, mellom anna ved Kuula-instituttet i Vasa, Oulu konservatorium og Haugesund kulturskole. Frå hausten 2025 er ho tilsett ved Kvam kulturskule. I tillegg til undervisning er Maaria ein aktiv kammermusikar og liedpianist.

You may also like the following events from Kunsthuset Kabuso:

• Next Friday, 5th December, 07:00 pm, UTSELD: Darling West: Lights - Juleturné 2025 // Kunsthuset Kabuso in Voss
• Next month, 13th December, 01:00 pm, Kakaokonsert in Voss
• Happening on, 6th March, 07:00 pm, Thomas Dybdahl in Voss

Also check out other Music events in Voss, Entertainment events in Voss.