Etter vellykka framføringar av det tverrkunstnarlege prosjektet «Til fyret» på Ona, Alnes og Runde, er turen no komen til Fyrlykta kulturhus på Dravlaus i Dalsfjord, søndag 21. september. Denne avslutninga av turnéen skjer i samarbeid med Forskingsdagane på Høgskulen i Volda og Dalsfjord fyrmuseum.
Første del av arrangementet er eit foredrag ved historikaren Arnljot Løseth: "Frykta for sjø og hav. Drukning, overtru og reell tryggleik blant fiskarar og losar på Sunnmøre 1800–1950". Etter foredraget blir det kafé med kaffi og sveler og eit musikalsk innslag ved lokale krefter frå Dalsfjorden.
Så følgjer den andre hovuddelen av arrangementet: den tverrkunstnarlege konserten «Til fyret», med musikarane Andreas Barth (perkusjon), Geir Hjorthol (trompet og elektronikk) og Robert Løkketangen (gitar og elektronikk), forfattaren Kirsti Mathilde Thorheim og naturfotografen Gunnar Wangen. Konserten startar med ei poetisk opptakt i fyrmuseet og held fram i amfiet like ved.
Dei tre musikarane har lang og brei erfaring med improvisert musikk, dels frå samarbeid med kvarandre, dels frå andre konstellasjonar. I musikken sin kryssar dei grensene mellom jazz, samtidsmusikk og folkemusikk. I dette prosjektet samarbeider dei med forfattar Kirsti Mathilde Thorheim og naturfotograf Gunnar Wangen. Resultatet er ei spennande framsyning der musikk, bilde og dikt samtalar med kvarandre, med fyret som samanbindande motiv.
Program:
17.00: Foredrag ved Arnljot Løseth
17.45: Kafé med lokalt musikkinnslag
18.15: Konsert (ca. 1 time)
Ferje frå Volda: 16.20
Ferje frå Lauvstad: 19.30 (evt. 20.30)
Billettar:
Foredrag: gratis
Konsertbillett (i døra): 200,-
Undom/born under 16 år: gratis
Velkomen til ei mangslungen oppleving på Fyrlykta kulturhus!
Konserten er støtta av Sparebank1 SMN, Møre og Romsdal fylkeskommune og Volda kommune.
Also check out other Concerts in Volda, Music events in Volda, Entertainment events in Volda.
|
