Søndag 11. mai kan vi invitere publikum til eit spanande samarbeid i Ørsta kulturhus. Den kjende trompetisten Kåre Nymark jr. er aktuell med ny musikk for korps. Musikken er omgjengeleg, «groovy» og melodiøs. Uttrykket varierer frå det mest intense til det vare og såre, og er ein herleg samansmelting av store deler av jazz-tradisjonen.
Kåre Nymark jr. frå Langevåg på Sula er ein særeigen og spennande jazztrompetist. Aktiviteten spenner over et bredt spekter av stilartar. Inspirasjonen frå mange turar til New Orleans og eit bluesprega utrykk er alltid til stades, kombinert med ein open og tidlaus tilnærming til jazz-tradisjonen. Kåre spelar også i The Brazz Brothers, sin eigen Kåre Nymark kvartett, Nymark Collective og Gumbo, Han har spelt konsertar i USA, Afrika, Asia og Europa. I tillegg til å jobbe som studio-musikar i diverse samanhengar, er Kåre også mykje brukt som pedagog, og undervisar på seminar og kurs over heile landet. Han har til nå spelt inn 23 album med dei ulike bandprosjekta, og delteke på mange andre som studiomusikar. Som mange andre jazzmusikarar har han sin musikalske oppvekst som korpsmusikant, og samarbeider jamleg med korps over hele landet. Og no er det altså Follestaddal hornmusikk sin tur!
I konserten blir det mange melodiar i lag med Kåre Nymark jr., og korpset skal også framføre nokre nummer for seg sjølv.
Billett får du kjøpt i Ørsta kulturhus, på nettsida deira eller i kiosken.
Vel møtt til eit spanande og variert konsertprogram i Ørsta kulturhus 11. mai!
Also check out other Concerts in Volda, Music events in Volda, Entertainment events in Volda.
