De Ste Xeito Producións, da man de Stephy Llaryora e Sergio Macías, ofrece na Escola Arte y Danza Vigo este curso intensivo de interpretación para a preparación das Probas de Acceso da ESAD 2025.
Está dirixido a candidat@s a cursar a especialidade de Interpretación na Escola Superior de Arte Dramática de Galicia. E tamén a todas aquelas persoas interesadas en recibir unha formación intensiva en interpretación dun xeito práctico e concentrado no tempo.
Traballaremos con dous docentes en sesións de catro horas diarias en dúas modalidades a escoller:
- Curso A (5 sesións): 23, 24, 25, 26 e 27 de xuño de 10:00 a 14:00 horas.
- Curso B (8 sesións): Curso A + 30 de xuño, 1 e 2 de xullo de 10:00 a 14:00 horas.
Como será este curso intensivo de Interpretación?
A atención será personalizada nun grupo reducido que facilite o seguemento e mellora diarios. Grazas a contar con dous docentes especializados podemos proponer un traballo exhaustivo e práctico de todos os aspectos que configuran a proba de ingreso: Análise, preparación e interpretación do monólogo a presentar, preparación para a proba de expresión corporal, improvisación e integración de posibles propostas do tribunal, así como traballo en dicción, habilidades vocais e expresión oral.
Poñeremos a túa disposición todas as ferramentas para poder presentarte con garantías, seguridade e confianza no teu traballo e abordar con frescura e capacidade de xogo calquera proposta que poida facer o tribunal.
E que pasa se non vou presentarme este ano ou simplemente quero un curso de interpretación?
Podes integrarte igualmente e participar co grupo nas dinámicas de improvisación, exercicios de desinhibición e imaxinación e traballos de técnica vocal e corporal . Igualmente traballaremos textos propostos por ti ou polos docentes, desenvolvendo o proceso de achegamento ao personaxe dun xeito máis lúdico, sen a presión que supón a proximidade dunha proba.
O curso conta cunha profesora e máis un profesor cunha ampla experiencia profesional. Ademáis se desenvolve nunhas instalacións perfectamente adaptadas á finalidade do curso como son as da escola Arte y Danza.
Inscripción abertas ata ao venres 20 de xuño. Reserva previa no teléfono 660147486 ou no 607374977. Prazas limitadas, grupos reducidos.
You may also like the following events from De Ste Xeito:
Also check out other
Dance events in Vigo,
Sports events in Vigo,
Workshops in Vigo.
