خرجة الحراير بالسفساري 10 (العيد الوطني للمرأة التونسية)

ياسادة و يا مادا يدلنا و يدلكم للخير و الشهادة جمعية تراثنا ناوين على ربي و كي كل عام و كيما جرات العادة و الله لا تقطع علينا عادة باش نحتفلو بعيد المرأة بعيد أمي و أختي و مرتي و بنتي أهوكا قلنا نعملوها خرجة من خرجاتنا المزيانة يعني باش إتكون 100%نساوين باش تعتز المرا التونسية بأصلتها و عادتها و تقاليدها العvdقة و تلبس لبسة متع فرحة و رمزيت المرا التونسية إلي هو السفساري التونسي بطابع لمين و ماننساوش مريول فضيلة و الريحانة و الخمسة يعملو كيف ووهرة و ضخامة على ضخامة و المشية بالفينكا و باش يحفلوها الخرجة فرق تيجانية و حضرة و سلامية الملقا و المة في في السليمانية مع لربعة متع لعشية حتى للخمسة نخرجو بالهلالو و زغارد متع فرحتنا و إنشاء الله ديما فارحين نقصدو ربي إلجامع زيتونة و بعد نهبطو ديقاديقا على لمدينة حتى القوس باب بحر نعملو تصويرة مزيانة و نكملو بعد لين نوصلو لتمثال إبن خلدون و بعدها نعملو النشيد الوطني بعلمنا النجمة و الهلال في دروج المسرح و قدام قاعة لخبار بالله يا رجال إجاو نحتفلو مع نسانا بالشاشية و الجبة و إنشالله ديما زاهين و لحتفالات تكون ديما بتراثنا التونسي الأصيل