🦇 ღამურების სამყარო: ბუნების უხილავი გმირები 🦇

📢 25 ოქტომბერს, 14:00 საათზე თბილისის ზოოპარკი უჩვეულო ფოტოგამოფენაზე გეპატიჟებათ!

🦇 ღამურების სამყარო: ბუნების უხილავი გმირები 🦇

📸 გამოფენაზე National Geographic-ის მკვლევრისა და ავტორის, ბოჰდანა ვაშჩენკოსა და National Geographic-ის ფოტოგრაფ ვიქტორ ლიაგუშკინის შთამბეჭდავი ნამუშევრები იქნება წარმოდგენილი.

ბოჰდანა და ვიქტორი ერთი წლის განმავლობაში მუშაობდნენ ილიას უნივერსიტეტის ღამურების შემსწავლელ სამეცნიერო ჯგუფთან ერთად. ისინი აკვირდებოდნენ და იღებდნენ ამ საოცარ და ხშირად – დაუმსახურებლად საშიშად აღქმულ არსებებს.

საქართველოში 30-მდე სახეობის ღამურაა გავრცელებული. გასაოცარია, რომ, ფაქტობრივად, ქვეყნის ყოველი მეოთხე ძუძუმწოვარი ღამურაა! ეს დაუჯერებელი მრავალფეროვნება კარგად აჩვენებს მათ მნიშვნელობას კავკასიის ეკოსისტემისთვის.

💬 „ღამურებს ადრე მხოლოდ იმ გამოქვაბულებში ვხვდებოდით, რომლებსაც ვიკვლევდით, მაგრამ წარმოდგენაც კი არ მქონდა, რამდენად გონიერი და სასარგებლო ცხოველები ყოფილან. ბევრი რამ, რაც მათ შესახებ მსმენოდა, მითი აღმოჩნდა“, – ამბობს ბოჰდანა.

მიუხედავად იმისა, რომ ღამურები ადამიანისთვის სრულიად უვნებლები არიან, ბევრს მაინც აქვს მათი შიში. სინამდვილეში ყველაფერი პირიქითაა – ისინი უტყვად გვეხმარებიან ბუნებრივი ბალანსის შენარჩუნებაში.

სწორედ ამან უბიძგა ავტორებს ფართო საზოგადოებისთვის ღამურების რეალური ისტორიის გაზიარებისკენ. ეს გამოფენა მითების, სტერეოტიპებისა და მცდარი წარმოდგენების გაბათილებისა და ამ განსაკუთრებული ცხოველებისადმი ადამიანების უარყოფითი დამოკიდებულების შეცვლის მცდელობაა.

💚 მობრძანდით, დაათვალიერეთ ეს არაჩვეულებრივი ნამუშევრები და შეხედეთ ბუნების უხილავ გმირებს სხვა თვალით.

📍 ადგილმდებარეობა: თბილისის ზოოპარკი (მ. კოსტავას ქ. # 64), ბავშვთა საგანმანათლებლო ცენტრის მიმდებარე ტერიტორია.