ბგერითი მოგზაურობა

☀️ კიდევ ერთი წელი უახლოვდება დასასრულს. დღეები იკლებს, და სანამ მზე ხელახლა დაიბადება და გაძლიერებას დაიწყებს, საუკეთესო დროა ყურადღება შიგნით მოვმართოთ. ეს გარდამავალი პერიოდი გვეხმარება ვიგრძნოთ, რისი გაშვებისთვის ვართ მზად და რისი შემოპატიჟება გვინდა ცხოვრებაში. 🌙

✨ ზუსტად ამისთვის გეპატიჟებით ბგერით მოგზაურობაში, სადაც შევქმნით დაცულ გარემოს შინაგანი კვლევისთვის: სივრცეს, რომ დავაკვირდეთ, აღმოვაჩინოთ, გავუშვათ და ავივსოთ.
არ არის საჭირო არანაირი წინასწარი გამოცდილების ან ცოდნის ქონა. ინსტრუმენტები და მრავალფეროვანი ვიბრაციები დაგეხმარებიან კუთხე-კუნჭულებში ჩასვლაში.

🌟 იქნება როგორც რბილი და სასიამოვნო ბგერები, ასევე მასტიმულირებელი და აქტიური. ყველა მათგანს მოაქვს შესაძლებლობა აღმოაჩინო და აირეკლო რა ხდება შენში. პროცესში შეიძლება მოვიდეს სიცხადე, წინააღმდეგობა, გათავისუფლება, განახლება და სხვა მრავალი შეგრძნება. მოგზაურობა ყველასათვის ინდივიდუალურია. მთავარია გულგახსნილი დახვდე იმას, რაც მზად არის გაიფურჩქნოს შენში. პროცესი ბუნებრივად გეხმარება შეხვდე იმას, რაც ამოდის ზედაპირზე და ბგერას მიანდო განწმენდისა და განახლების ტალღა.

🍁 თანაც ეს ყველაფერი მოხდება LenoRecords-ის სტუდიაში, სადაც ყველაზე ღრმა, ბუნებრივი და ცოცხალი ჟღერადობაა მთელს ქვეყანაში. შეხვედრის განმავლობაში გვექნება მედიტაცია, მასწავლებელი მცენარეების ჩაი, სხეულის გაღვიძება, ბგერითი მოგზაურობა, გაზიარება და სხვა პატარ-პატარა მოულოდნელობები.

ცოტაოდენი ინფორმაცია ამ თავგადასავალის გიდებზე ნელისა და ეკატაზე:

🌊 ნელი ბგერითი თერაპიის პრაქტიკოსი, მლხენელი და მუსიკოსია. ატარებს განახლების რითრითებს და მუშაობს სამკურნალო ფიზიკური სივრცეების შესაქმნელად. ნელის ამოძრავებს ჩვენს აღქმაში და ყოფაში სამოთხის დაბრუნების ხედვა.

🪷 ეკატა სხეულის მოტრფიალე და სხეულის ენის აქტიური მკვლევარია. მისი ცხოვრების გზაა, შექმნას სივრცეები, სადაც ადამიანები მოდუნდებიან, განიტვირთებიან და მრავალფეროვან აღმოჩენებს გააკეთებენ შინაგან და გარეგან სამყაროზე.


პრაქტიკული ინფორმაცია

🗓 თარიღი და დრო: 13 დეკემბერი 17:00
📍 ადგილი: ლენო რექორდსი
💶 ღირებულება: 100დან 150მდე სურვილისა და შესაძლებლობის მიხედვით
⏳ ხანგრძლივობა: 4 საათი

რეგისტრაციისთვის მოგვწერე პირადად ან შეავსე სარეგისტრაციო ფორმა:

https://forms.gle/XJCgBpiKKeYVzE95A

რა უნდა იქონიო თან:
🍀 იოგის ხალიჩა ან რამე კომფორტული დასაწოლი
🍀 ფუმფულა პლედი
🍀 თბილი კომფორტული ტანსაცმელი ღრმა მოდუნებისთვის
🍀 წყალი
🍀 სურვილისამებრ: თვალის ნიღაბი, ბალიში ან ნებისმიერი რამ რაც მოდუნებაში დაგეხმარება



🪸 გელით ამ საოცარ მოგზაურობაში შინაგან სამყაროში! 🪸