✨💃🏽 XXXII Seto Kuningriik om 2. augustil 2025 Satserinna nulga küläh Saatseh! 💃🏽✨
Seto Kuningriik om suur setodõ üleilma kokkokorjuminõ. Kuningriigih elämi uma säädüste ni uma kombõ perrä. Seto Kuningriiki om kutsutu kõik Kuningriigi alamba', kedä tetäs piiri pääl kindlast rõividõ perrä! Kinkal seto rõiva' säläh, tuud tohi-i piiri pääl puttu, ni piat massulda Kuningriiki sisse ni vällä laskma. Seto rahvalõ miildüse’ külälitsõ’. Kõik, kiä’ tahtva’ tulla' Seto Kuningriiki kultuuri-, turismi- vai puhkusõreisilõ omma' veiga oodõt, a piiri päält piat Seto Kuningriiki päsemisõst viisa võtma. Viisa om massu iist ni Kunigriigih piat täütmä Peko käskõ ni kõrda.
Seto kuningas om Peko, timä maapäälne asõmik om ülembsootska. Seto Kuningriigi riigikiil om seto kiil, riigiraha om seto kroon ni elokõrraldus käü ülembsootska puult ant Peko käsü perrä. Seto Kuningriigih sorditas vällä Seto Kuninga meistri’: Kuningriigi sõnolinõ, pillimiis, kimmäs seto keele kõnõlõja, paremp kargusõ kargaja ni kasatski lüüjä, Kuningriigi vägümiis, piltnik ni näpotüü tegijä. Avvu andas söögi meistritele.
Setomaa ülembsootska ametisau om kiior, tuu perrä tunnõt ar’ kua om seto kuninga asõmik ni käsütäütjä. Õga Kuningriik vali rahvas vahtsõ ülembsootska, kiä’ sorditas vällä kõõ rahva iih, otsõsõ valimisõ läbi. Ülembsootska kõõ suurõmp kohus om kõnõlda kuningas Pekoga ni uma rahvalõ tiidä’ anda kõik Peko käsü’.
Ütel riigil ja rahval piat olõma uma sõavägi. Pääle ülembsootska välläsortmist sääd hinnäst ülest seto sõavägi ni näütäs umma väke ni vahvust vahtsõlõ ülembsootskalõ ja kõõ rahvalõ.
🌟 AOPLAAN 🌟
10.00-11.00 Sõira, leevä, piiragu, taari, ollõ, handsa, verevä viina vastavõtminõ võistluisi jaos
12.00 Kuningriigi vällähõikaminõ, tervtüse’
12.30 Süüke- juukõ maitsminõ ni hindaminõ
13.00-15.00 Külälava programm
13.00-15.00 Päälava programm
13.00-15.00 Võistlusõ’
16.00 Ülembsootska kõnõh ja kiiora tagasiandminõ
Vahtsõ ülembsootka välläsortminõ
17.30 Kuninga meistridõ vällähõikaminõ
18.30 Sõjaväeparaat
19.30 Kuningalaud, kirmask Nedsaja Küläbändiga
