Joe & The Shitboys - útgávukonsert í Perluni

Tann 29. august útgeva fyrrverandi føroyameistarnir í tónleiki (Sement 2021, ársins navn FMA 2020) Joe & The Shitboys nýggju plátu sína, GREATEST SHITS. Men hvat? Tann dagin er tvíkynda veganska trio'in á altjóða konsertferð, sum ikki einaferð. Tí hevur The Hives og Iggy Pop viðurkendi bólkurin sett sær fyri at hava eitt brak av eini útgávukonsert í Perluni leygardagin tann 1. novembur.

GREATEST SHITS er fyrsta 12” plátan, sum bólkurin hevur útgivið. Hon uppsamlar allar tríggjar THE RESON FOR HARDCORE VIBES pláturnar, við fleiri sangum afturat, ið umdefinera, hvat shitpunk kann vera. Plátan er ætlað sum endin av fyrstu fasuni hjá bólkinum, áðrenn teir fara at reisa seg sum ein føniks fokk jú fingur við einum nýggjum ljóði.

Hetta kvøldið hava skítsvøku Joe & The Shitboys fingið tann svakasta bólkin, síðan teir sjálvir byrjaðu í 2018, og tað er eingin annar enn Tunghoyrt. Tað verður spennandi at síggja teir framføra inni í einum bygningi, heldur enn uppi á einum taki.

GRÝLUKAPPING!
Leygardagurin 1. novembur fellur á Halloween vikuskifti. Tí verður sjálvandi eisini grýlukapping. Vinnarin fær eitt signerað eintak av nýggju GREATEST SHITS plátuni og eina t-shirt.

You may also like the following events from Tórsgøta:

• This Friday, 12th September, 07:30 pm, Teitur & Girls in Airports 'Kvæði’ konsert in Tórshavn
• This month, 27th September, 11:00 am, Klædnamarknaður í Perluni in Tórshavn
• Next month, 31st October, 10:00 pm, Enekk á Reinsarínum in Tórshavn