BÓK + hey :) í Williamshúsi

Fríggjakvøldið 28. november kl. 20 verður eitt forvitnisligt tiltak í Williamshúsi á Varðagøtu í Havn.

Tey bæði Lív Maria Róadóttir Jæger og Trygvi Danielsen hava júst útgivið tvær spennandi bøkur við stuttum heitum men nógvum innihaldi: BÓK og hey :).

Hetta kvøldið undir Varða verður upplestur, tónleikur og bókaprát við Beini Bergssyni sum samrøðustýrara.

Lív og Trygvi fara eisini at framføra íklødd sínum pseudonymum – SUPERVISJÓN og Silvurdrongur – við tónleikaligum undirspæli frá ávikavist Lassa Thorning Jæger og Torleiki Mortensen.

Tiltakið kostar bert 100 krónur, og tær spildurnýggju bøkurnar vera sjálvsagt til sølu.

Plássið er avmarkað, einans 40 atgongumerki.

Atgongumerki fáast her: https://atgongumerki.fo/3539092/bok-hey-i-williamshusi

Tiltakið byrjar kl. 20 og varir einar tveir tímar.

OY stuðlar tiltakinum við onkrum svalandi.