Dörpsfees Boekoel - Veur de kèrk op 't plein

Biste miense,

waat waas ’t aafgeloupe jaor ein sjitterend fees, de eerste edisie van ’t dörpsfees: Veur de kèrk op ’t plein.
En dao gaon v’r dit jaor weer veur! Op zaoterdig 12 juli 2025 zal vanaaf 14:00 oer ’t fees van sjtart gaon op ’t kèrkplein.

Ónger ’t genot van live meziek kènt geur sjmiddes genete van ein lekker sjtökske flaaj en ein tas kóffie of ‘n glaeske beer.
Veur de kinjer is d’r genóg te doon: sjpringkösses, eine sjlòkkraom en d’r zal van 14:00 oer toet 17:00 oer eine knutselmiddig waere gehaje in samewèrking mit ECI Cultuurfabriek. Veur ’t aovesaete hoof geur neet nao hoes, dao is ouch veur gezorg.
Es de aovindj vèlt zal de tweede bend ’t tempo opveure, wonao de DJ ’t kèrkplein ómtovert in ein grote dansvloer.

De ganse daag door zalle d’r versjillende sjoon verassinge plaatsvinje diejt g’r zeker neet wilt misse. Dus zorg det g’r d’r biej zeet!

Mit vruntjelikke groette,
De organizasie van ’t Dörpsfees:
Veur de Kèrk op ’t Plein