PLATESLIPP: SINDRE & CO 🎉
Endelig får vi høyre frå den nye plata til gammaldansgruppa Sindre & Co - og du er invitert med på feiringa!
📍 Fredag 1. august kl. 17.00 i festivalteltet på arenaen for Landsfestivalen i gammaldansmusikk på Oppdal.
💿 Det blir sjølvsagt moglegheit for å kjøpe den rykande ferske CDen og slå av ein prat med musikarane.
Sindre & Co kjem frå Osterøy, eit område der tradisjonsmusikken har djupe røter og der det kryr av toradarspelarar. Gjennom generasjonar har slåttespel og dansemusikk stått sterkt på øya, og denne arven er musikarane i Sindre & Co flaska opp med. Gruppa består av musikarar som har spelt sammen sidan ung alder, men først i 2014 vart gruppa Sindre & Co danna. Om navnevalget er det vel å seie at «den sterkestes rett» også gjeld i det beinharde toradarmiljøet. Sidan starten har gruppa fått impulsar både frå eldre kjelder og nyare musikalske førebilete, frå fjern og nær.
På dette albumet får du høyre ei variert samling slåttar – frå kjende namn som Sigbjørn Bernhoft Osa, Ola Mosafinn og Finn Vabø – side om side med heilt nytt materiale. Gruppa hentar inspirasjon frå dei som har gått foran, men lar også eigne idéar og spelestil få prege låtane.
Sindre & Co formidlar stor speleglede og har eit ønskje om å nå ut til både dansarar og lyttarar. Musikken du får servert på plata spenner frå det dansande og drivande, til meir lyriske og ettertenksomme toner. Kort sagt; her er noko for ein kvar smak. Vi håper du som lytter lar deg fenge og lokke med!
Sindre & Co består av:
-Sindre Fotland - toradar
-Kristoffer Kleiveland - toradar og kontrabass
-Andreas Kollvangsnes - toradar
-Tormod Kleiveland - gitar
-Vegard Hansen - trekkspel og kontrabass
Plata er gitt ut av Melovitten.
