Sild og song på Vågsberget - sesongopning

Bli med på sesongopning på Vågsberget med tradisjonsrik sild og potet på tallerkenen og muntre tonar frå trekkspel den 19. juni!

I år ynskjer vi å gjere ekstra stas på sesongstarten vår med både mat- og musikkopplevingar (og ein liten omvising så klart). Arrangementet er eit samarbeid mellom oss, Kystkulturlaget i Vågsøy og Lev Vel -kultur for helsa (Kinn kommune)

På menyen blir det sild og potet - traust og tradisjonsrikt! Det er Kystkulturlaget i Vågsøy som har tørka silda vi serverer.

Undeholdninga vert levande musikk på trekkspel med Jorunn Bakke Nydal (musikkterapeut i Kinn kommune) og allsong. Om det kriblar i dansefoten er det høve til å ta seg ein svingom!

Det vil vere eit lite knippe salsboder til stades som vil selge varene sine. Blant anna Nordfjordull med lokale strikkevarer og Kystkulturlaget med tørka sild.

Til slutt vil museumsleiar, Annette Holme, tilby omvising i Nordfjordbåtutstillinga som står i driftsbygningen.

Gratis inngang