Båtfest på Sandane og Kystens Dag

Helga 6. til 7. juni arrangerer Nordfjordbåtlaget båtfest og Kystens Dag på Sandane i samband med opninga av nytt vernebygg for Holvikejekta. Fredag 6. juni er det offisiell opning av vernebygget i regi av Nordfjord Folkemuseum. Gratis billettar til folkefesten kl. 13:15 må kjøpast via https://museumsbillett.no/nn/museum/566/produkt/1296

Nordfjordbåtlaget vil ha tradisjonsbåtar på fjorden ved Holvikejekta og stand på gjestebrygga i sentrum. Vi får besøk av Bakkejekta frå Holmedal som er ein tru kopi av Norges eldste bevarte båt frå kring 1750. Originalen er på Kystmuseet i Florø.

I tillegg har vi våre eigne båtar og jekta Nordfjordtausa som vil bli nytta til turar på fjorden for dei som har lyst fredag og laurdag.

På fredag kl. 18 arrangerer vi ope seminar på Gloppebua med Kjell Magnus Økland som vil snakke om prosjektet "Nytt liv i naust og sjøhus". Etterpå kl. 19 blir det festmiddag med fiskegryte. Her er det påmelding og plassar forbeholdt kystlagsmedlemer og andre inviterte gjestar. Pris for middag, dessert og kaffi er 200 kr. Påmelding på sms til 95079609.

Laurdag 7. juni er det Kystens Dag i regi av Forbundet Kysten med stand i sentrum og tradisjonsbåtar på gjestebrygga. Det blir høve å få kjøpt seg ei svele, prate båt, lånt seg ein båt, ro, segle eller bli med på ein tur ut til Holvikejekta for dei som har lyst.

Also check out other Workshops in Stryn.