روح جديدة

رجعنا لهلول… رجعنا وين الطفولة تستنّى في حضن آمن، وين البسمة تحب ترجع تلمع في عيون الصغار 💙. مشروعنا "روح جديدة" موش كلام يتقال، هو حكاية تتكتب بيدينّا و بقلوبنا: ترميم يحيي الجدران ويعطي آمان للصغار، ألوان تعطي حياة 🎨، و نوادي متخصّصة تفتحلهم أبواب جديدة باش كل طفل يلقى مساحته يحلم، يبدع، يجري، يضحك، ويتعلّم. رجعنا لهلول… باش نفس جديد يدور في الأركان، باش كل ركن يزهى، كل زاوية تغنّي، وكل قلب صغير يحس إنو عندو قيمة ✨. الغرفة الفتية الاقتصادية بحمام سوسة بالشراكة مع المندوبية الجهوية للطفولة والمرأة والأسرة وكبار السن بسوسة ما جابتش مشروع… جابت حلم يتحقق، وعد إنو كل صغير ينمو في فضاء يحلم ويبدع فيه ✨️❤️.
روح جديدة مشروع متواصل على طيلة شهر سبتمبر وأكتوبر تحت شعار "اول خطوة بألف ضحكة" 💫💙