ГОЛЕМ КОНЦЕРТ НА АРЕА - 25 ГОДИНИ ,,ВРАТИ НА ИМАГИНАЦИЈА"

25 ГОДИНИ ПОТОА:

AREA, ЕДЕН ОД НАЈДОБРИТЕ МАКЕДОНСКИ БЕНДОВИ НА СИТЕ ВРЕМИЊА СО ГОЛЕМ КОНЦЕРТ ВО СЦ ЈАНЕ САНДАНСКИ!

ПО ПОВОД 25 ГОДИНИ ОД ИЗДАВАЊЕТО НА ЛЕГЕНДАРНИОТ АЛБУМ „ВРАТИ НА ИМАГИНАЦИЈА“ И 25 ГОДИНИ ОД УШТЕ ПОЛЕГЕНДАРНИОТ КОНЦЕРТ НА НИКОГАШ НЕПРЕЖАЛЕНИОТ СКОПСКИ САЕМ!

8 НОЕМВРИ
СЦ ЈАНЕ САНДАНСКИ
20 ЧАСОТ

Драги наши,

Големите јубилеи постојат за да се одбележат!

Оваа година се одбележуваат 25 години од издавањето на албумот ,,Врати на имагинација" на компактен диск.
Прво, падна идеја да го издадеме „Врати на имагинација “ на луксузен винил.
Тоа го направивме – винилите пристигнаа!

„Врати на имагинација“ е безвременски албум кој го издржа товарот на времето, албум во кој буквално сите песни се хитови и заслужува да биде овековечен на винил.

И нормално, веднаш дојдовме до идејата:
„А, зошто да не направиме и еден голем концерт, за цела Македонија – да се собереме дел од тие што беа пред 25 години на Саем, и дел од тие што не успеаја да влезат бидејќи концертот беше распродаден 2 дена пред одржување?".

Па, затоа, задоволство ни е да ви најавиме:

Голем концерт на АРЕА во СЦ ЈАНЕ САНДАНСКИ на 8 ноември по повод 25 години ,,Врати на имагинација"!

На концертот во целост ќе биде изведен целиот албум ,,Врати на имагинација", кој ги вклучува хитовите ,,Сите мои слики", ,,Одведи ме", ,,Пријател", ,,Биди мој"...а, се разбира, ќе бидат изведени и сите останати хитови од Ареа кои ја одбележаа златната ера на македонската музика и со кои пораснаа и се' уште растат многу генерации.

Влезниците ќе бидат во продажба од четврток (2 октомври) во 10 часот наутро онлајн на avalonbooking.mk и продажната мрежа на karti.com.mk низ Македонија по следните цени и категории:

Партер - 600 денари
Фан пит - 900 денари
Трибина - 990 денари

Се гледаме на 8 ноември, сите генерации заедно да ја славиме музиката на АРЕА.

Ваша,

АП

You may also like the following events from Avalon International Booking:

• This Thursday, 9th October, 08:00 pm, ,,НАДРЕАЛНА ВЕЧЕР" СО Д-Р НЕЛЕ КАРАЈЛИЌ! in Skopje
• This month, 31st October, 08:00 pm, МОДЕРНИЗАМ & РЕНЕСАНСА ВО ЖИВО ВО СЦ ЈАНЕ САНДАНСКИ! in Skopje