Солистички рецитал за баритон и пијано „Звуци на срцето и душата“

Во рамки на 25. издание на „Есенски музички свечености“ ќе се одржи солистички рецитал насловен „Звуци на срцето и душата“.

Учествуваат:
Берислав Јерковиќ - баритон
Ана Дадиќ - пијано (Хрватска)

Берислав Јерковиќ – баритон
Берислав Јерковиќ е дипломец по пеење, диригирање и музичка педагогија, со докторски студии на Универзитетот во Загреб. Има изведено бројни солистички улоги во опери низ Европа, Африка и Америка, а настапувал со врвни оркестри и ансамбли. Добитник е на повеќе награди за вокални и диригентски настапи и активен е како професор на Академијата за уметност во Осиек, каде е и раководител на Одделот за музичка уметност.

Ана Дадиќ – пијано
Ана Дадиќ е пијанистка и флаутистка со дипломи од Музичката академија во Загреб и Академијата за музика во Љубљана. Добитничка е на над 35 први награди на
национални и меѓународни натпревари и астапувала во повеќе европски земји. Соработувала со истакнати оркестри и ансамбли, меѓу кои Загрепската филхармонија и Квартет Руцнер. Моментално работи како корепетитор во
Уметничкото училиште за танц „Силвија Херцигонја“ во Загреб.

Билетите ќе се продаваат и на влез на Салон 19:19 по цена од 500 денари.

You may also like the following events from Есенски Музички Свечености-Autumnal Musical Festivities:

• This Saturday, 8th November, 08:00 pm, Камерен концерт „Впечатоци од Шпанија“ in Skopje
• This Sunday, 9th November, 08:00 pm, Концерт на Једен Ансамбл - Турција in Skopje