Промоција на поетската збирка „Антисвет“ од Ана Тодоровска

✨ Во рамки на третата вечер на книжевниот фестивал „АртАреа/Артерија“ ќе се промовира дебитантската збирка на Ана Тодороска, „Антисвет“, а со авторката ќе разговара Марија Велинова.

14.9 | кафе-книжарница „Буква“ | 19:00 ч.

📝Во песните поделени во два циклуса, поетесата, со едноставен и благо саркастичен израз, најпрвин го истражува внатрешното поврзување со себе осветлувајќи ги затемнетите агли на својот дух, за подоцна фокусот да го префлри врз релациите со околината влегувајќи во амбивалентни дијалози со градот. „Антисвет“ ги потенцира антисветовните одлики на секојдневјето како и сите проблеми, прашања и препреки со кои се соочува лирскиот субјект живеејќи во него, притоа обидувајќи се да ги разреши.

Ана Тодороска (1993, Скопје) е дипломирана психологинка, визуелна уметничка и поетеса. Во 2017 година дипломира на Институтот за психологија при Филозофскиот Факултет во Скопје, а во 2019 ја завршува Академијата за визуелни уметности при Школата за дизајн и уметност „Џолев и уметностите“ и Seavus. Преку својот проект „МРАК“ од 2016 година до денес работи интердисциплинарно истражувајќи аналоген и дигитален колаж, асемблаж, употреба на рециклирани материјали, редактирана поезија и границата меѓу вербалниот и невербален израз.