Utstillinga «Juletre i Ryfylke» kjem til Folkets Hus

Har du lurt på kven som pynta Ryfylke sitt første juletre?

Ryfylkemuseet si juleutstilling «Juletre i Ryfylke» tek deg på ei reise i juletrehistoria til Ryfylke. Utstillinga viser historiske tre frå Ryfylke frå 1874 og fram til 1960-talet, pynta etter skildringar frå dei som opplevde trea. Juletreet si historie er historia om overgangen frå bondesamfunn til industrisamfunn, om fellesskap, utdanning, innvandring og utvandring.

«Juletre i Ryfylke» har før vore vist i Suldal, men i år kjem utstillinga til Folket Hus i Sauda og barn frå Austarheim skule har vore med å pynta eitt av trea.

Velkomen til ei førjulsoppleving som både vekkjer nostalgi og gjev nye glimt inn i lokal historie.

Utstillingsopning: fredag 28. november kl. 16:00
Utstillingsperiode: 28. november - 17. desember