Ny festivalpub med kammerjazz på Nerhuslåven

For niande gong inviterer Jazzverket til kammerjazz i Nerhustunet under Rosendal Kammermusikkfestival. Mellom 21:00 og 01:00 fredag 8. og laurdag 9. blir det to sett med kammerjazz, forskjellig for kvar kveld, med rom for spontane bidrag frå festivalmusikarar. I år gler vi oss spesielt til vårt første møte med saxofonisten Heidi Kvelvane. Tjuefem-åringen kjem til Rosendal etter å ha opptredd på jazzfestivalane i Kongsberg og Molde tidlegare i sommar.
Vi vil i hovudsak framføre jazz-standardardar saman med nokre låtar av Ivar Baste. Tradisjonen tro vil vi og framføre eigne jazzversjonar av festivalkomponistane sin musikk. På denne siste festivalen blir det gjenhøyr med Mozart, Shostakovich og Brahms og nye møte med musikk av Edvard Grieg og Geirr Tveit.
Øl, Vin, alkofritt drikke og snacks. Festivalpass eller Inngangsbillett kr. 220,- i døra. Vipps og kort.

Also check out other Sports events in Sauda, Music events in Sauda, Entertainment events in Sauda.