ATH. UPPSELT ER Á VINNUSTOFUNA
Skráning:
https://docs.google.com/forms/d/e/1FAIpQLSc-8ebjPVqFE7l_in7Lkqrxx73Cpg9RaUD1oAWWwNFkr-SiXQ/viewform?usp=sharing
Þann 26. júní munu Jill Dardig og William Heward halda vinnustofu um hegðunarsamninga. Dardig og Heward hafa áratuga reynslu af vinnu með börnum og fjölskyldum þeirra. Að auki liggur eftir þau fjöldi rannsókna á sviði sérkennslu og atferlisgreiningar.
Á vinnustofunni læra þátttakendur um hegðunarsamninga sem felast í að breyta hegðun foreldra og barna, með jákvæðum leiðum. Hvaða foreldri kannast ekki við að vera orðið þreytt á sjálfu sér í að biðja barnið sitt endurtekið að gera heimavinnuna eða ganga frá eftir sig? Þó að hegðunarsamningar snúi oft að markmiðum varðandi hegðun barna þá eru þeir mjög gagnlegir til að breyta hegðun foreldranna, úr hótunum og tuði, í jákvæðari aðferðir. Hegðunarsamningar geta því minnkað árekstra sem myndast stundum í uppeldinu og bætt fjölskyldutengsl. Að auki hefur fjöldi rannsókna sýnt fram á árangur þessarar aðferðar til að vinna með hegðun sem er krefjandi sem og til að kenna börnum (með og án stuðningsþarfa) nýja færni, hvort sem er heima, í skóla eða í samfélaginu. Þátttakendur vinnustofunnar fá tækifæri til að æfa sig í að búa til samninga fyrir börnin sín, skjólstæðinga, nemendur, starfsfólk og/eða sjálfa sig. Þá fá allir þátttakendur í hendur efni sem nýtist til að búa til samninga og frítt eintak af bókinni „Gerum samning“.
Athugið að vinnustofan verður haldin á ensku og það eru takmörkuð sæti.
Vinnustofan er ætluð fyrir foreldra og fagaðila
Hver heldur vinnustofuna: Jill C. Dardig, Ed.D. (Ohio Dominican University)
William L. Heward, Ed.D., BCBA-D (The Ohio State University)
Verð: 15.000 ISK - Innifalið er eintak af bókinni “Gerum Samning” sem er þýðing bókarinnar “Let´s make a contract” eftir Jill C. Dardig og William L. Heward.
