Sómatísk samvera/Dísablót: Laugardaginn 1. nóv. Hugleiðsla, öndun, dans

Félagar í stúkunni Mörk standa fyrir sómatískri samveruhelgi en í þetta sinn tengjum við hana við Dísablót. Á Íslandi til forna var í lok október haldin hátíð sem kölluð var veturnætur og þá var haldið dísablót á Norðurlöndum (disting) til heiðurs formæðrum og kvenkyns andaverum.

Dagskráin hefst á því að Eva Rós Gústavsdóttir, jógakennari og meistaranemi í sálfræði, leiðbeinir okkur í gegnum öndunaræfingar.

Því næst leiðir Kolbrún Kolbeinsdóttir, kynjafræðingur, hugleiðslu tengda formæðrum sem Margrét Hugrún skrifar og að lokum tekur Kvika Föld við og leiðir okkur í gegn um heilandi dans. Að endingu förum við upp á efri hæð og gæðum okkur á veitingum.

Kvika Föld er Movement Medicine kennari, dansari og myndlistarkona. Hún er fædd og uppalin í Transilvaníu og bjó um árabil í Svíþjóð en síðustu rúm tuttugu árin hefur hún búið á Ísland.

Um Movement Medicine aðferðina:

Hreyfing er lækning. *Movement Medicine* er aðferð sem byggir á því að við getum komist í tengingu við líkamann, jörðina; öll frumefnin 5, umhverfið og tilveruna með því að leyfa líkamanum að hreyfa sig við tónlist. Það er andleg lækning í dansi enda er dansinn ein af aðferðunum sem notaðar hafa verið af mannkyninu um aldir alda til að komast í samband við æðri vitundarstig.

You may also like the following events from Lífspekifélagið:

• This Friday, 10th October, 07:00 pm, Um Sigvalda Hjálmarsson jóga og fræðara in Reykjavík
• Next Friday, 17th October, 07:00 pm, Fyrirlestur: Heimsmyndin og orkuöflin in Reykjavík
• Next Saturday, 18th October, 03:00 pm, Fyrirlestur: Í fyrirgefningunni býr lykill lífshamingjunnar in Reykjavík

Also check out other Business events in Reykjavík.