Hverjum finnst ekki gaman að hittast í góðra vina hópi og spjalla um gerð skattframtalsins?
Greinilega ótal mörgum – enda er hér um að ræða einn vinsælasta Konur fjárfestum viðburðinn sem við höfum haldið frá upphafi. Vegna mikils áhuga endurtökum við því leikinn þann 4. mars næstkomandi í Fantasíu á Vinnustofu Kjarvals, Reykjavík.
Birna Rún Eiríksdóttir, leikkona, opnar viðburðinn með því að deila upplifun sinni af stressinu sem getur fylgt því að skila inn skattframtalinu.
Næst fer Guðrún Björg Bragadóttir, skattaráðgjafi hjá KPMG, yfir skattframtal einstaklinga og öll lykilatriði sem hafa þarf í huga þegar það er unnið, allt frá skilafrestum og samsköttun til verktakagreiðslna.
Fyrirlesturinn tekur um klukkustund, spjall og spurningar í kjölfarið.
Við hvetjum vinkonur til að mæta saman, eiga góða kvöldstund og halda umræðunni áfram að loknum fyrirlestri.
