Lög Leonard Cohen: Í flutningi Daníels Hjálmtýssonar

Daníel Hjálmtýsson flytur lög Leonard Cohen í Hvalsneskirkju, Akraneskirkju og í Djúpinu í Reykjavík dagana 29. maí til 1. júní nk. .
Uppselt hefur verið á flesta slíka tónleika Daníels frá árinu 2016 en þetta munu vera fyrstu tónleikar Daníels á Akranesi.

Tónleikar Daníels í Djúpinu árið 2019 seldust upp tvö kvöld í röð og hefur verið ákveðið að halda nú tónleika bæði laugardags- og sunnudagskvöld í Djúpinu þar sem sætafjöldi er afar takmarkaður.

Daníel hefur undanfarinn áratug fyllt kirkjur og krár víðsvegar um land og flutt efni Cohen í ýmsum formum og gerðum en Daníel er nýlentur heima á Íslandi eftir tónleikaferðalag um Bretlandseyjar ásamt hinum breska Duke Garwood.
Þá undirbýr Daníel útgáfu sinnar annarrar breiðskífu, sem væntanleg er síðar á þessu ári en söngvarinn hefur getið sér gott orð bæði hér heima og erlendis fyrir magnþrunginn og tilfinningalegan flutning á sinni tónlist.
Túlkun Daníels á lögum og textum Leonard Cohen hefur vakið mikla eftirtekt og lof gesta.

Miðasala hefst á Tix.is mánudaginn 14. apríl klukkan 10.00
Allir tónleikar hefjast stundvíslega kl. 20.00
**Sérstakir gestir kynntir síðar