Borgarganga - Húsin bakvið húsin

Hjörleifur Sveinbjörnsson þýðandi og stjórnarmaður í Lífgrösum stendur fyrir borgargöngunni “Húsin bakvið húsin” fimmtudaginn 4. september kl 17:00. Við þræðum bakgötur, stíga, undirgöng og skuggasund til að fylla upp í myndina af borginni okkar. Byrjum við styttuna af Leifi heppna fyrir framan Hallgrímskirkju og endum vestur í bæ. Allir geta tekið þátt og þetta verður ekki erfið ganga.

Með þátttöku í borgargöngunni gefst frekara tækifæri til að styrkja starf Lífgrasa meðal snauðustu meðsystra okkar. Þú greiðir 3.500 krónur sem margfaldast á leið sinni til flóttamannabúða í Úganda og Írak. Gríptu tækifærið til að fá þér heilsusamlegan göngutúr í haustbyrjun, styrkja gott málefni og sjá eilítið nýja hlið á borginni okkar.

Gangan kostar 3.500 kr (eða meira ef þú getur) og þú skráir þig með því að senda tölvupóst á bGlmZ3JvcyB8IGxpZmdyb3MgISBpcw== og leggur inn á reikning Lífgrasa 537-26-12836 og kt: 640723-0410. Ekki er hægt að taka þátt í göngunni nema vera búin/n að skrá sig með tölvupósti og greiða.

Gangan hefst stundvíslega kl 17:00 fimmtudaginn 4. september við styttuna af Leifi heppna við Hallgrímskirkju.