Lexime feministe: Sindromi i afrikanit të veriut

Këtë muaj, në vazhdën e leximeve për Devijimet, e sjellim për lexim në shqip tekstin “Sindromi i Afrikanit të veriut” nga Frantz Fanoni.

Frantz Fanon, si psikiatër në kohën e okupimit francez në Algjeri, analizon trajtimin racist që i bëhet banorëve/eve arab/e të Francës okupatore në krah të sistemit psikiatrik, duke dekonstruktuar argumentet të doktorëve francez me një dozë të ironisë morbide. Tendencën për të tëhuajsuar njeriun arab, apo të afrikës së veriut, si kafshë e cila nuk i përshtatet normave psikiatrike për shkak të “inferioritetit” qenësor të tij, ai e quan me përbuzje “sindrom i afrikanit të veriut”. Duke nënvizuar absurditetin e situatës, Fanon rigjen jo vetëm njeriun brenda arabit, por shtron në pikëpyetje njeriun brenda kolonizatorit dhe tërthorazi paraqet natyrën e psikiatrisë si kamxhik i okupatorit.

Tekstin, të shqipëruar nga Bind Skeja, e gjeni këtu: https://www.kolektivifeminist.org/wp-content/uploads/2025/08/Frantz-Fanon_Sindromi-i-afrikanit-te-veriut.pdf

Ju mirëpresim këtë të premte duke filluar nga ora 18:00 në oborrin e Bibliotekës Kombëtare. Ju inkurajojmë të na bashkangjiteni edhe nëse nuk keni arritur ta lexoni tekstin.