NADINE - KLEURE met Johan Heystek

NADINE SE NUUTSTE VERTONING BRING KLEUR AAN OUD EN NUUT

Johan vertel meer oor die liedjies wat gekies en verwerk is vir Nadine se besondere stem in hierdie video -

NADINE gaan terug in tyd en herroep die grootste treffers van dekades in kleur. Soos die seisoene van die lewe ons in skakerings van warm somersgeel begelei tot in die indigo-blou van winter, verf Nadine voort op haar suksesverhaal van Skildery. Kleure is sonder twyfel die perfekte titel vir haar nuutste vertoning.

Liedjies uit die verlede kry weer nuwe kleur – van Nadine se grootste treffers, asook plaaslike en internasionale treffer-liedjies soos True Colours van Cindy Lauper, Red Red Wine van UB40 en True Blue van Madonna. Ook Tom Jones se Green Green Grass of Home en Prince se Purple Rain kry ‘n unieke Nadine-verwerking, en selfs ‘n tikkie goud verskyn op Spandau Ballet se Gold.

Enkele verrassings uit die Afrikaanse pop-geskiedenis sal ook nuwe skakerings uit die reënboog kry, wat die gehoor op ‘n nostalgiese tog vol ritme en emosie neem.

KLEURE – die vertoning van Nadine wat kleur gaan gee aan ‘n spesiale aand – ‘n reënboog wat jy nie mag misloop nie!

Die talentvolle Johan Heystek, bekend vir sy werk as begeleier en musiekverwerker in Liefling Die Movie, sorg vir die meesterlike musikale begeleiding wat hierdie vertoning na nuwe hoogtes neem.

Berei jou voor vir ‘n aand gevul met herinneringe, passie en musiek wat harte sal raak – sien jou daar!

Also check out other Entertainment events in Port Elizabeth.