Pop-up-tatoveringsstudio: sjømannstatovering

Kva skal skje?

Under årets handverksfestival kan du la deg tatovere med klassiske sjømannsmotiv på Nasjonalbiblioteket.

Tusenvis av nordmenn drog til sjøs under gullalderen i norsk sjøfart. Mange kom tilbake med tatoveringar på kroppen. Denne helga kan du få di eiga tatovering inspirert av historiske tatoveringsdesign – til dømes eit anker, ei svale eller ei havfrue. Medan tatovørane arbeider, fortel dei om tradisjonane bak dei ulike motiva.

Kven møter du?

Tatovør Fredrik Dahle frå Sail Away jobbar til dagleg med klassiske og nautiske tatoveringsmotiv. Han har samarbeidd med Tor Ola Svennevig om utvalet av tatoveringar denne helga.

Når og kor?

Fredag 12. september kl. 16–22

Laurdag 13. september kl. 12–17

Nasjonalbiblioteket, 2. etasje, inngang frå Solli plass.


Treng du billett?
Du kan møte opp og trekke kølapp. Tatovering kostar frå 1500 kronar.
Før du lar deg tatovere pliktar du å sette deg inn i risikoen dette kan innebere.

Kva er Handverksfestivalen?

Handverksfestivalen på Nasjonalbiblioteket er ein årleg festival som feirar den materielle kulturarven vår. Gjennom verkstader, panelsamtaler, foredrag og kunstopplevingar formidlar vi kunnskap om alt folk har laga med hendene i tidlegare tider. I år er temaet for festivalen havet. Ein viktig arbeidsplass, eit rikt matfat og ei kjelde til forteljingar, kunst og musikk. Vi byr på over tjue arrangement over to dagar. Sjå heile programmet her: https://www.nb.no/handverksfestivalen/

Velkomen!

You may also like the following events from Nasjonalbiblioteket:

• This Thursday, 4th September, 06:00 pm, Da panafrikanismen kom til Norge. Foredrag om George Padmore og afrikansk frigjøring in Oslo
• Next Friday, 12th September, 04:00 pm, Fiskerøyking på gamlemåten in Oslo
• Next Friday, 12th September, 05:00 pm, Omvisning: sjøkarta frå 1500-talet in Oslo

Also check out other Festivals in Oslo, Arts events in Oslo.