Grottevandring - gratis sideprogram til DIFF

Bli med på vandring til Grotten saman med Ingvild Bræin.

På ein fjellknaus i utkanten av Slottsparken ligg Grotten. Huset har sidan 1922 vore æresbustad for fortente kunstnarar, men vart bygd lenge før det. Henrik Wergeland la i si tid elsk på plassen, og 17. mai 1841 stod huset ferdig og Wergeland flytta inn. Etter Wergeland har nokre av dei fremste norske diktarane og komponistane budd i Grotten: Christian Sinding, Arnulf Øverland og Arne Norheim. I 2011 flytta forfattaren Jon Fosse inn i det rosa huset og vart kongens nabo.

Forfattar Ingvild Bræin har skrive boka Grotten. Historia om eit hus og fem kunstnarar. Høyr henne fortelja historia om Grotten og bli med på ei kort byvandring.

Praktisk informasjon
Oppmøte i Bikuben, i foajeen på Det Norske Teatret. Der blir det først eit foredrag. Deretter blir det ei vandring opp til Grotten i utkanten av Slottsparken. Merk at delar av arrangementet er utandørs. Ta på deg gode sko og kle deg etter veret.

Den internasjonale Fossefestivalen
Arrangementet er ein del av sideprogrammet til DIFF - Den Internasjonale Fossefestivalen 2025. Det er gratis å delta, men du må hente ut gratisbillett.

You may also like the following events from Det Norske Teatret:

• Next month, 8th September, 12:00 pm, Diktarane frå Hardanger - gratis sideprogram under DIFF in Oslo
• Next month, 8th September, 02:00 pm, A sociological perspective on theatre - gratis fagprogram under DIFF in Oslo
• Next month, 10th September, 05:30 pm, Lesesirkel: Naustet - Gratis sideprogram til DIFF in Oslo