17. júní Hátíðarhöld í Osló - Þjóðhátíðardagur Íslendinga

Íslendingafélagið í Osló og Íslenska kirkjan í Noregi bjóða ykkur öll hjartanlega velkomin á hátíðarhöld í tilefni þjóðhátíðardags Íslendinga, 17. júní, en þau fara fram þann 14. júní 2025 í Bøler kirkju í Osló.

Dagurinn hefst með hátíðarguðsþjónustu í Bøler kirkju kl.15 og á eftir verður skrúðganga og hátíðarhöld bæði úti og inni með öll sem tilheyrir. Fjallkonan les ljóð, flutt verður hátíðarræða, það verða í boði leikir fyrir unga og aldna, happdrætti og sameiginlegt kökuhlaðborð verður í hátíðarsal kirkjunnar.

Íslendingafélagið verður með sölu á íslenskum pylsum og allskonar íslensku góðgæti fyrir utan kirkjuna og allir í stuði

Skrúðagangan fer frá kirkjunni eftir messuna og eftir skrúðgöngu hefst dagskrá á planinu fyrir framan kirkjuna þar sem engir aðrir en bræðurnir í VÆB ætla að skemmta okkur og þeir lofa mikilli gleði og feikna stuði.

Verið öll hjartanlega velkomin og við hlökkum til að sjá ykkur 🙂

You may also like the following events from Íslenska kirkjan í Noregi:

• This Sunday, 25th May, 02:00 pm, Þakklætismessa in Oslo
• Next month, 8th June, 02:00 pm, Fermingarmessa í Bøler kirkju í Osló in Oslo
• Next month, 29th June, 09:00 am, Fermingarmessa í Háteigskirkju í Reykjavík in Reykjavík