სპორტსმენებსა და მოყვარულებს გეპატიჟებით საქართველოში მთამსვლელთა გაერთიანებული ფედერაციის მიერ გამართულ პირველ სკიმო რბოლაზე
21 დეკემბერს, კოხტა-მიტარბის საბაგიროების მიმდებარე ტერიტორიაზე, საქართველოს მთამსვლელთა გაერთიანებული ფედერაციის ორგანიზებით ჩატარდება ბაკურიანის თასი სკიმოს 2 ოლიმპიურ სახეობაში - ვერტიკალური და ინდივიდუალური რბოლა.
რბოლაში მონაწილეობის მიღება უფასოა და შეუძლია ყველა ასაკის მონაწილეს(18 წლამდე მონაწილეობის შემთხვევაში აუცილებელია მშობლის თანხმობა). იჩქარე - ადგილები შეზღუდულია.
დარეგისტრირდი -
https://forms.gle/pDRT3jDogcwPuS7RA
⛷️ ვერტიკალური რბოლა - დისტანცია 2.7კმ ამაღლება 350 მეტრი!
▪️ სკიმო ვერტიკალური რბოლა არის მხოლოდ აღმართზე გასავლელი დისტანცია, სადაც მონაწილეები ადიან თხილამურებითა და ქამუსებით.
რბოლა სტარტს აიღებს კოხტას საბაგიროს ქვედა სადგურის მიმდებარე ტერიტორიიდან, გზა გადის ძირითად საბაგირო ტრასებზე. ფინიში მდებარეობს კოხტას საბაგიროს ზედა სადგურთან. მონაწილეებს შეზღუდული დრო (დაახლოებით 1,5 საათი) აქვთ დისტანციის დასასრულებლად.
⛷️ ინდივიდუალური რბოლა - დისტანცია 6.3 კმ, ამაღლება 650მ, დაშვება 650მ.
▪️ სკიმო ინდივიდუალური რბოლა წარმოადგენს კლასიკურ ფორმატს, სადაც მონაწილეებს უწევთ როგორც აღმართების, ისე დაღმართების გავლა მთის რელიეფზე. მარშრუტი მოიცავს რამდენიმე ასვლას, გარდამავალ მონაკვეთებსა და ჩამოსვლებს - რბოლა სტარტს აიღებს კოხტას საბაგიროს ქვედა სადგურის მიმდებარე ტერიტორიიდან, გზა გადის ძირითად საბაგირო ტრასებზე პირველი აღმართის შემდეგ არის პირველი ტრანზიციის ზონა, საიდანაც მონაწილეები დაეშვებიან მიტარბის ქვედა სადგურამდე. იქ ტრანზიციის შემდეგ ავლენ მიტარბის პირველი საბაგიროს სადგურამდე და დაბრუნდებიან ისევ კოხტას ტრასაზე, სადაც ტრანზიციის შემდეგ დაეშვებიან ფინიშისკენ, რომელიც მდებარეობს კოხტას საბაგიროს ქვედა სადგურთან.
ღონისძიების მიზანია ქვეყანაში სკიმოს პოპულარიზაციისა და ხელმისაწვდომობის გაზრდა, ასევე კლიმატური პირობებისა და არსებული ინფრასტრუქტურის ეფექტურად გამოყენება აღნიშნული სპორტით დაკავებული ადამიანებისთვის.
You may also like the following events from საქართველოს მთამსვლელთა გაერთიანებული ფედერაცია:
