Manchod (മാഞ്ചോട് ) Season 2

എന്താണ് മഞ്ചോട്?
വരമ്പൊരുങ്ങുകയാണ് എന്നു പറയുന്നതിനേക്കാൾ വരമ്പ് തിരഞ്ഞ് ഇറങ്ങുകയാണ് ഓർമ്മയുടെ അവധിക്കാലത്തെ തിരഞ്ഞ്. അതെ അവസാന പരീക്ഷയുടെ അവസാന വരി എഴുതി തീർക്കുമ്പോൾ കിട്ടുന്ന ഒരു ആവേശവും ആശ്വാസവും ഉണ്ട്. ഇനി ഉള്ള രണ്ട് മാസം മതുമ്പത്തിൻ്റേതാണ് . വെയിലിനെ വെല്ലുന്ന കളിയാവേശത്തിൻ്റെ നാളുകൾ /മടക്ക നതണ്ടിൽ MRF എന്നെഴുതി പിടിപ്പിക്കണം, മാഞ്ചോട്ടിൽ കൊത്താക്കല്ലുകൾ കൊത്തി എടുക്കണം… പളുങ്കു ഗോട്ടികൾ കൊണ്ട് കുഴി നിറക്കണം.. ചിനച്ച ഗോമാങ്ങക്കും പഴുത്ത പറങ്കിമാങ്ങക്കും പങ്കുവക്കലിൻ്റെ മധുരം ഉണ്ട്… അതെ നമുക്ക് തിരഞ്ഞിറങ്ങേണ്ടത് ആ അവധിക്കാലത്തിൻ്റെ മാഞ്ചോട്ടിലേക്കാണ്…

കളിയും ചിരിയും ചിന്തയുമായി ഒരു ദിവസം ഒരു പഴയ തറവാടിൻ്റെ അകത്തളങ്ങളിൽ നമുക്ക് ഇരിക്കാം. പഴയ അവധിക്കാലത്തിൻ്റെ ആവേശത്തെ തിരിച്ച് പിടിക്കാം, പുതിയ തലമുറക്ക് പുതിയ അനുഭവങ്ങൾ സമ്മാനിക്കാം, അതിനായി നമുക്ക് മാഞ്ചോട്ടിൽ ഒത്തുകൂടാം , നാല് കാല് നാട്ടിയ ഓലപുരയിൽ കഞ്ഞി വക്കാം , മണ്ണപ്പത്തിൻ്റെ മധുരം തേടാം , കളിയും ചിരിയും കള്ളപ്പർക്കും ആയി ആ പഴയ നമ്മളെ നമുക്ക് തിരിച്ചു പിടിക്കാം. ഇതാണ് വരമ്പ് സ്വപ്നം കാണുന്ന മാഞ്ചോട്..