2ª edición Vendaval - Mostra de Cinema Portugués da Ribeira Sacra

Vendaval é un espazo de divulgación do cinema de Portugal na Ribeira Sacra. A partir dun tema ou filme de actualidade, cada edición mostra unha selección de filmes portugueses de todos os tempos que busca establecer lazos co cinema e a realidade galega.

A 2ª edición ten como lema "Tan cerca, tan lonxe" e está composta por filmes que exploran distancias a través de grandes ou pequenas viaxes.

Nun entorno rural, o Vendaval propón múltiples actividades, todas elas con entrada gratis cinema, concertos, conversas e outras actividades ao aire libre, con acampada no espazo de A Casa da Memoria (Bóveda, Lugo).

Programa completo: https://vendaval.gal/