I sommar inviterer Jørn Hilme-stemnet til eit ekte stølseventyr på vakre Olestølen i Øystre Slidre kommune!
Her kan du oppleve ein dag med stølskultur, stølskost, lokkekurs og konsert. Kurset passar for alle, og det er ikkje naudsynt med eigen geitflokk eller lang erfaring :)
Det er avgrensa med plass på kurset, så meld deg på i god tid!
Pedagog, tradisjonsbærar og folkemusikar Karin Kolterud vil lære bort lokking til nysgjerrige kursdeltakarar. Ho er sjølv tradisjonsbærar etter bestemor si Anne Kolterud frå Etnedal, og har også nytta lokking som ein reiskap til mindfulness. Ein treng ikkje erfaring frå song eller lokking for å vere med, kurset blir tilpassa deltakarane.
Budeia Kathrin Aslaksby vil by på ein nydeleg lunsj med ureist mat frå stølen og garden, og dagen rundast av med ein eksklusiv konsert med kvedarane Marit Karlberg og Øyonn Groven Myhren.
Vel møtt til ein innhaldsrik dag i eit levande stølslandskap!
Medverkande:
Karin Kolterud
Kathrin Aslaksby
Marit Karlberg
Øyonn Groven Myhren
Praktisk info:
Hugs gode klede, Olestølen ligg 1.000 meter over havet, og kan by på friske temperaturar sjølv sommarstid.
Ved spørsmål ta kontakt:
cG9zdCB8IGhpbG1lICEgbm8= / 992 95 056 (Ingvild)
Vegbeskriving:
Frå Fagernes køyrer du fylkesveg 51 (Bygdinvegen) i 33,7 km, så tek du til høgre inn på Olevegen og følgjer denne i 8 km.
Olevegen er bomveg (70 kr), og vi oppmodar til samkøyring. Det er også fint og sykle innover på stølsvegen
Påmeldingsfrist: 1. juli
Foto: Skimakern og budeia
You may also like the following events from Jørn Hilme-stemnet:
Also check out other
Concerts in Lillehammer.
