Odelsskam - om å gje slepp på ein gard etter 15 generasjonar

«I femten generasjonar før meg har mine forfedrar lempa stein og slite med jorda slik at dei som kom etter, skulle få eit betre liv. Skal det ta slutt med meg? For eg bur i byen og har bygd meg eit godt liv der.»

I boka Odelsskam skildrar odelsjenta Maria Lavik oppveksten på eit småbruk på Vestlandet. Ho veks opp med sauesanking, store avstandar, bokbuss annankvar torsdag og historier om ei livskraftig og motkulturell slekt. Men alt som sekstenåring flyttar ho ut. Burde ho koma tilbake?

Odelsskam skildrar ein gard, ein plass og ein tilstand som held på å gleppa mellom hendene på forfattaren. Boka skildrar den evige reisa som mange utflyttarar er på, i stadig rørsle mellom bygda og byen, mellom «heim» og heim.

Samanvoven med hennar historie er den særnorske, over tusen år gamle odelsretten. Lova som koplar jorda og slekta saman til ein nesten heilag symbiose. Odelsskam er ei nær og rørande historie om tradisjonar og endring.

Arrangementet er i regi av Levanger Mållag, Verdal Mållag og Bondelaga i Levanger i samarbeid med Levanger bibliotek.

Inngang: kr 200,- som kan betalast i døra kontant eller ved Vipps.

You may also like the following events from Levanger bibliotek:

• This Thursday, 18th September, 06:00 pm, Foreningen Norden inviterer til islandskveld in Levanger
• Next Thursday, 25th September, 06:00 pm, LITT.MIDT: Ingenting blir som før - en generasjonsfortelling in Levanger